حضرت نظام الدین یمنی رحمتہ اللہ علیہ
آپ حضرت غوث العالم کے مرید اور خلیفۂ خاص تھے، اسی جگہ حضرت کی خدمت میں پہلی بار حاضر ہوئے اور اس کے بعد حضرت کی ذات پاک سے انھیں اس قدر والہانہ وارفتگی ہوگئی کہ ساری عمر جدا نہ ہوئے، آپ نے اپنی پوری زندگی حضرت کی خدمت میں وقف کردیا، آپ کو حضرت کا وہ قُرب حاصل ہوا کہ جو نورالعین کے علاوہ کسی کو نہیں حاصل تھا، غالباً ۷۵۰ھ یا ۷۶۴ھ کے درمیان حضرت سے مرید ہوئے اورتیس سال تک سفروحضر میں حضرت کے ہمراہ رہے، آپ ایک اچھے ادیب اور بہترین شاعر بھی تھے، غرؔیب آپ کا تخلص تھا، آپ نے حضرت غوث العالم کے سوانح حیات اور ملفوظات کو ترتیب دیا، اور اس کا نام ”لطائف اشرفی“ رکھا، یہ آپ کا وہ عظیم کارنامہ جس نے آپ کو زندۂ جاوید بنادیا۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972